02.12.2015 21:14

Að stjórna , - eða stjórna ekki .

Það þýðir ekki sagði ég, hann talar allt annað tungumál en þú og skilur ekkert hvað þú ert að segja honum.

Unga stúlkan í símanum þagði smástund og spurði svo.

Og hvað gerir maður þá ?

Hún var að lýsa fyrir mér upphafi tamningar á hundinum sínum þar sem allt gekk á afturfótunum og skilningur milli aðila virtist af skornum skammti.

Ég sagðist vera löngu kominn á þá línuna að í stað þess að segja hundi í grunntamningunni hvað hann ætti að gera segði ég honum hvað hann væri að gera.

Þannig fyndist mér hann vera fljótastur að læra helstu skipanirnar. Þegar hann væri búinn að ná þeim færi maður svo að reyna að stjórna einhverju í rólegheitunum.

Stúlkan var nú ekkert að mótmæla aðferðafræðinni en sagðist ekki átta sig á því hvernig þetta væri framkvæmt.

Hún var búin að lýsa fyrir mér vinnulaginu á hundinum sem mér leist vel á .

Jú , sagði ég ef þú ert með kindurnar kyrrar , hundinn kyrran og ert sjálf kyrr þá er ekkert að gerast og þú segir að sjálfsögðu ekkert. emoticon

Þú kemur kindunum af stað frá þér og veist að þá sprettur hundurinn á fætur og fer fyrir þær, - ekki satt ?

Þú veist líka að þegar hann er kominn fyrir þær leggst hann.

Ok, um leið og hann leggur af stað gefur þú skipunina sækja/ farðu fyrir eða bara þá skipun sem þú ætlar að nota í framtíðinni þegar þú sendir hann fyrir hóp.

Um leið og hann er kominn fyrir og stoppar og þú veist að hann mun leggjast , gefur þú skipunina "leggstu" .

Ýmiskonar líkamstjáning nýtist vel. Handaupprétting hægir á eða stöðvar hundinn. Mynd af námskeiði.

Eftir nógu margar endurtekningar á þessu er tengingin komin og hann fer að hlýða þessum skipunum þegar þær eru gefnar.

Sama á við um hliðarskipanirnar og aðrar skipanir sem koma síðar.

Og eins og í upphafi er hundinum í raun stjórnað með því hvernig kindunum er stjórnað og smalinn staðsetur sig .

Stúlkunni leist vel á þetta, sá fram á bjarta tíma með blóm í haga og.svo frv.

Ég var ekkert að svekkja hana með því að þetta gengi nú kannski ekki alveg svona hnökralaust þegar að í hólfið væri komið. emoticon

Allavega ekki með fyrsta hundinn.

Þeir sem vilja fá þessa velþekktu aðferð beint í æð ættu

að smella HÉR .

Þarna er verið að byrja með, - að vísu tveggja ára ótamda tík en aðferðafræðin sést vel,ásamt því hvernig kindunum er stjórnað til að halda öllu í aksjón.

En það er óþarft að taka fram að það eru ekki öll eintök

svona í upphafi emoticon

Skrifað af svanur

Tengill á færslu

Bæta við áliti

Sýna álit

17.11.2015 08:18

Mánaðartamning. Hvað þýðir það ?

Stundum er ég spurður að því hverju mánaðartamning á hundi skili.

Því get ég ekki með nokkru móti svarað .

Það eru engir tveir hvolpar eins og þessi mikla breidd í ræktuninni kemur held ég hvergi skýrar fram, en í tamningum hjá þeim sem stunda þær..

Annarsvegar er t.d. hvolpurinn sem er strax með það innbyggt að fara fyrir hópinn, halda honum saman og jafnvel koma með hann til smalans, stútfullur af vinnuáhuga.

Korka frá Miðhrauni var fljóttamin með allt innbyggt í upphafi.

Í hinum endanum er kannski hvolpur sem er frekar áhugalítill og sýnir engan áhuga á að fara fyrir eða hringfara kindurnar.

Það er alveg hægt að gefa sér að mánaðartamning á þeim fyrrnefnda skili hundi sem er tilbúinn í vinnu með eigandanum.

Hann á að sjálfsögðu eftir að slípast í vinnu og læra talsvert í viðbót en ætti að vera kominn með góðan grunn að hliðarskipunum, vera öruggur að sækja hóp styttri vegalengdir og byrjaður að reka frá smalanum.

Það er svo undir eigandanum komið hversu mikið hann leggur á sig til að koma hundinum í alvöru gæðaflokk þar sem hann gerir einfaldlega allt sem þarf.

Sumt get ég allavega, aldrei kennt ef það vantar í genapakkann.

Kjarkurinn / ákveðnin skiptir verulegu máli og stundum segi ég að það eigi ekki að leggja vinnu í að temja kjarklausan hund emoticon

Sallaróleg og yfirveguð . Þarna var kjarkurinn fyrir hendi frá upphafi og bara að smella fingri til að farið væri í kindina.

Reyndar er óþarfi að afskrifa kjarklítinn hund of fljótt. ef margt annað er í lagi. sjálfstraustið getur aukist ef hann lendir ekki í því að verða buffaður illa.

Þó það sé pirrandi að vera stöðugt að gæta þess að láta linan hund ekki lenda í erfiðleikum veit ég nokkur ( bara nokkur ) dæmi þess að það hafi skilað sér og sá lini hafi endað sem vígreifur ribbaldi .

Hundi sem þarf að kenna að fara fyrir, hringfara og koma með, þarf oftast að laga vinnufjarlægðina líka.

Ef vinnuáhuginn er svo í minna lagi, gengur þetta svo allt með hraða snigilsins.

Erfiðast finnst mér að vera með hvolp í höndunum sem er ekki alveg ómögulegur, svo maður freistast til að vera bjartsýnn og halda áfram með hann.

Ég verð þó að viðurkenna að ég þekki engin dæmi þess að úr slíkum tilvikum komi góður vinnuhundur.

En oftast til einhvers gagns samt emoticon

En svona til að draga saman svarið við spurningunni efst.

Tveggja til þriggja vikna tamning með lélega eintakið skilar því kannski í svipaða stöðu og það góða var í eftir 2 - 3 daga tamningu emoticon

Skrifað af svanur

Tengill á færslu

Bæta við áliti

Sýna álit

09.11.2015 20:48

Að lesa hundinn rétt, - nú eða ???

Svona 10 mínútur, - svaraði ég hiklaust .

Útlenda fjölskyldan sem ég var að sýna hunda í kindavinnu, hafði spurt hvað ég væri fljótur að sjá hvort hundarnir yrðu góðir fjárhundar.

Þetta var að sjálfsögðu talsvert utan við hinn þráðbeina veg sannleikans en hvað gerir maður ekki til að hressa upp á ímynd landsins ? emoticon

Staðreyndin um spádómshæfileika mína er sú að þegar ég horfi á unghund sem sýnir góða takta í upphafi spái ég vel, - misvel að vísu fyrir honum og það er mjög sjaldgæft að hann standi ekki undir því.

Þ.e.a.s. ef ég tem hann emoticon

Það er öllu verra að eiga við hina sem sýna lítið eða eru í ruglinu á einhvern hátt.

Ég er löngu hættur að vera með einhverja dómhörku því nokkrum sinnum hef ég upplifað dæmi um að ógæfulegur hvolpur hafi séð ljósið og gjörbreyst , kannski á stuttum tíma.

Mér finnst það kannski eiga helst við um vinnuáhugan en það er svo ekki heldur auðvelt að meta hvort vanti á andlega þroska til að vinna hlutina rétt eða að þetta sé vonlaust fífl.

Svona til að fylla þá ekki óþarfa bjartsýni sem hafa efasemdir um meðfædda smalahæfileika hvolpsins síns, er þó rétt að taka fram að þau dæmi sem ég hef upplifað um lasarusinn sem reis upp úr öskustónni eru nú kannski sárgrætilega fá miðað við hin.

Í svona vangaveltum skiptir það svo að sjálfsögðu heilmiklu máli hvort ég er að horfa á 7mán. hvolp eða 12 mán. +

Þessa dagana er ég að vinna í siðasta hvolpinum úr 6 hunda goti sem var selt með 1. mán. tamningapakka.

Þeir verða ársgamlir 16 nóv. n.k.

Þó þessi hópur hafi verið óvenjulega jafn þá er alltaf um einhvern breytileika að ræða. Einn þeirra var orðinn tilbúinn í tamningu 7 mán. og þoldi vel að ég færi að vinna með hann á fullu.

Sá sem ég afhenti í dag fékk hinsvegar rétta vinnuáhugann fyrir nokkrum vikum og trúlega hefði verið rétt að bíða með allavega seinni hluta mánaðarpakkans í nokkrar vikur enn þó það hefði ekki verið gert.

Hinir voru svo að koma inn þarna á milli en sumir fengu 2 - 3 vikna pásu í náminu.

Mér finnst nokkurra vikna pásur koma mjög vel út þegar verið er með stíft tamningaprógramm á þessum aldri.

Það sé svo alveg bráðnauðsynlegt að gæta þess að fara ekki framúr því sem hvolpurinn er tilbúinn í.

Þegar hann fer að geispa í kennslustundinni þá er eitthvað í gangi sem hann skilur ekki.

Eitthvað stress á/í einhverjum emoticon

Þá er ágætt að rölta heim í kaffi og íhuga hverju var verið að klúðra.

Og stundum koma slæmir dagar með mörgum kaffibollum emoticon

Skrifað af svanur

02.12.2015 21:14

Að stjórna , - eða stjórna ekki .

17.11.2015 08:18

Mánaðartamning. Hvað þýðir það ?

09.11.2015 20:48

Að lesa hundinn rétt, - nú eða ???

Vafraðu um

Tenglar