21.04.2012 09:14

Fráhvarfseinkenni, tölvur og????????'

Það er liðin vika síðan ég sagði nokkur vel valin óprenthæf orð slökkti á tölvunni og hét því að nú yrði gert e.h. í málinu.

Síðan tölvuturninn var endurnýjaður í okt sl. hefur allt gengið á afturfótunum í samskiftum mínum við netið með tilheyrandi afföllum á bloggum og statusum og nefndu það bara.

Óbætanlegt tjón á allskonar glötuðum vísdómi fyrir framtíðina.

Fráhvarfseinkennin á þessari tölvulausu viku voru samt ótrúlega lítil en aðgangur að einhverju borðtölvudóti hentar mér ekki enda vanafastur maður sem þarf að hafa allan þann vísdóm og myndasöfn sem ég hef sankað að mér gegnum tíðina við hendina ef andinn á að komast á flug.

Nú er það semsagt komið á daginn að tenging í tölvunni var umpóluð í upphafi með tilheyrandi krísum þessa vetrarmánuði.

Vonandi að rétt reynist.

Vorverkin eru svo búin að vera á fullu.

200 tonn af mykju keyrð út einn daginn og a.m.k. annað eins eftir, en nú eru túnin bara að verða velfær til dreifingar sem er óvanalegt á þessum árstíma.

Það þarf skeljasand í akrana og nóg er til af honum í hæfilegri fjarlægð.

Hálmmúgarnir sem aldrei náðust í vetur voru brenndir.

Og akuryrkjan er á fullu en nú vantar bara einn öflugan traktor í viðbót svo eitthvað gangi á vorverkin.

Fyrsta sáðbyggið komst svo í jörðina í gær.

Já þetta er akkúrat tíminn sem sólahringurinn er of stuttur í sveitinni og ýmislegt vantar í dótakassann.

Skrifað af svanur

Tengill á færslu

Bæta við áliti

Sýna álit

12.04.2012 21:40

Vorið. Skemmtilegur tími - eða djö. þrældómur???

Við búskapinn lifir maður í stöðugri pressu með að ljúka einhverjum ákveðnum ferlum á réttum tíma svo allt gangi upp.

Ég furða mig stundum( sjaldan) á því hvað ég met það mikils þegar daginn fer að lengja og framundan verða vorannirnar sem eru nú ef grannt er gáð og málið metið af sanngirni, ekkert nema dj. þrældómur frá upphafi til enda.
Og ekkert tímabil í búskapnum er jafn uppfullt af verkum sem verður að ljúka fyrir ákveðinn tíma ef ekki á allt að fara í klessu. Skítadreifing , akuryrkja , áburðargjöf,girðingarvinna þarf allt að ganga hratt fyrir sig og sauðburðurinn kemur og fer hvernig sem vorar og nefndu það bara.

Mikið stress.

Já , manni leiðist ekki á þessum tíma þó oft megi viðra betur og stundum gangi allt á afturfótunum.

Þessi mynd var tekin út um eldhúsgluggann í dag og dálítið hraustlega súmmuð. Grafan og ýtan sem báðar voru á fullu eru í um rúmlega km. fjarlægð. Þessir akrar verða undir byggi í sumar en verður væntanlega lokað á ný með grasfræi næsta sumar.

Þessi grunnur sem fer undir 200 ferm. fjölnotahús er að verða tilbúinn undir sökklana þegar vinnst tími til að snúa sér að því.

Það varð loks niðurstaðan að Tinni junior sem hér sést rífa kjaft við hálfsystir sína hana Korku, hafði vistarskipti fyrir nokkrum dögum þó freistingin að eiga hann væri mikil.

Það var að lokum metið blákalt að leggja ekki í að halda hund, með 6 -7 tíkur á hlaðinu.

Það er svo nokkuð víst að snjósleðinn er kominn í sumarfríið sitt.

En ekki ólíklegt að sumarfríð mitt verði hvorki meira né minna en í fyrra!

Skrifað af svanur

Tengill á færslu

Bæta við áliti

Sýna álit

10.04.2012 21:27

Og barnið var vatni ausið.

Á þessum síðustu og verstu tímum er fjölgun í sveitinni ákaflega gott mál og þó það sé nú kannski ekki stórfréttir að fæðist lítil stúlka í hinum stóra heimi, eru þau sveitarfélög að verða alltof mörg sem það telst til nokkurra tíðinda.

Laugardaginn 31. mars var yngsti fjölskyldumeðlimurinn í Dalsmynni skírður með pompi og prakt í Rauðamelskirkju.

Stóri bróðir hann Aron Sölvi fylgdist með aðförunum með hálfum huga.

Séra Guðjón á Staðarstað skírði og þessi skírnarskál hefur verið notuð innan ættarinnar í einhverja ættliði með góðum árangri.

Það var deilt um það innan fjölskyldunnar hvort sú litla ætlaði að lýsa yfir ánægju sinni með nafngiftina eða mótmæla henni með þessari handahreyfingu.

Og nafnið var:

Skrifað af svanur

21.04.2012 09:14

Fráhvarfseinkenni, tölvur og????????'

12.04.2012 21:40

Vorið. Skemmtilegur tími - eða djö. þrældómur???

10.04.2012 21:27

Og barnið var vatni ausið.

Vafraðu um

Tenglar