03.04.2013 20:53

Fallvaltleiki, páskahret og haustleitir.

Nú er svo komið að ekki finnast lengur nothæf lýsingarorð tiil að lýsa blíðviðrinu sem umlykur mann Þessa dagana.

Allt er forgengilegt og hin árvissu páskahret sem ullu margvíslegum vandræðum sérstaklega fyrir bjartsýna ferðalanga sem tolldu ekki heima hjá sér um páska, virðast liðin undir lok.

Blessuð sé minning Þeirra.

Það var gripið í að lagfæra aðeins fjárhúshlaðið Því nú er réttargerði á verkefnaskrá ársins og gæti komið sér ágætlega að ljúka Því fyrir næsta haust.

Það Þarf að hækka hlaðið að hluta og stækka til austurs en eins og fyrri daginn er teikningarkostnaðurinn sparaður og hönnunin framkvæmd svona nokkurveginn jafnóðum.

Svo heppilega vildi til að Það fannst grafa á flækingi sem var gripin í ámoksturinn.

Hér virðir Korka fyrir sér framkvæmdina og er eflaust að velta fyrir sér að Þetta sé ekki gæfulegt til innreksturs, leitirnar fari nú að bresta á innan alltof skamms tíma.

Skrifað af svanur

Tengill á færslu

Bæta við áliti

Sýna álit

31.03.2013 21:07

Hvolpar að kanna heiminn.

Hvolparnir fóru út í fyrsta sinn í dag. Alltaf gaman að fylgjast með Því, Þó ég hafi nú ákveðnar efasemdir um að mikið sé hægt að spá í framtíðina við Þá athöfn.

Til að sjá Það. Smella hér.

Hér er svo mamman að siða hálfsystir sína til fyrir um ári síðan. Ég hef nú ekki séð hana beita Þessari aðferð enn við afkvæmin, en urrið hjá henni er býsna ógnvekjandi ef Þeir eru of uppivöðslusamir.

Skrifað af svanur

Tengill á færslu

Bæta við áliti

Sýna álit

30.03.2013 20:07

Bændur, hundar og dótakassar.

Þessar vikurnar taka bændur víðsvegar á skerinu sig saman, safna í rútu og heimsækja stéttarbræður sína í öðrum héruðum eða landsfjórðungum.

Þetta eru gert í nafni búnaðarfélaga, sauðfjár eða nautgripafélaga eða nefndu Það bara.

Þegar hefðbundna skoðunarstaði Þrýtur fara menn í hugmyndabankann og fatta uppá einhverju sem hægt er að nota til uppfyllingar með ölinu.

Nú virðast fjárhundarnir vera inni og eftir að ég missti af skemmtilegum laugardagseftirmiðdegi með sérlega áhugaverðum hóp fyrir stuttu, tók ég Því i með mikilli ánægju að mega ljúga einhverju að bændum sitthvoru megin Hvalfjarðar.

Það tókst með miklu harðfylgi að ná megninu af hópnum saman í lok áningar í Söðulsholti en ég held að Þetta hafi verið akkúrat eina augnablikið sem hópurinn hamdist kyrr.

Daníel fararstjóri hafði vakandi auga með mannskapnum og reyndi að halda kontrolnum á tímasetningum.

Belgsholtsbændur mættu og fylgdust áhugasöm með fjárhundum leika listir sínar enda slíkt ekki daglegur viðburður í sauðfjárleysinu á Þeim bænum.

Og Halli er trúlega að ræða nýjasta ölárganginn úr Belgsholtsbygginu við nágrannann.

Eftir áhuganum að dæma mætti halda að Þarna væri eitthvað eitthvað krassandi í gangi.

Þessi baukur innihélt að sjálfsögðu léttöl, Því annars væri Þetta ólögleg auglýsing.

Þessari ánægjulegu heimsókn var svo slúttað í dótakassanum hans Einars en bændahópum sem rekast heim í Söðulsholt finnst hann alltaf jafnáhugaverður.

Gaman að Þessu.

Skrifað af svanur

03.04.2013 20:53

Fallvaltleiki, páskahret og haustleitir.

31.03.2013 21:07

Hvolpar að kanna heiminn.

30.03.2013 20:07

Bændur, hundar og dótakassar.

Vafraðu um

Tenglar