Síðasti byggakurinn í Eyjarhrepp hinum forna hefur nú verið skorinn Þetta árið.

Þetta verður að öllum líkindum slakasta byggárið í stuttri sögu Þessarrar lottójurtar´hér, - enn sem komið er.

Og ekki orð meira um Það.

 Fjárraginu er nú að mestu lokið, lömbin komin í Hvíta húsið á Hvammstanga og reyndist meðalvigtin 1 kg. minni en sl. haust eða  17.89 kg gerðin fór aðeins upp, 10.14 og fitan aðeins niður 7.55



 Nú er komin nokkurnvegin mynd á rögunaraðstöðuna og mikill munur að fást við Þetta Þó enn eigi eftir að bæta í og loka málinu. Réttin eða gerðið er fjölnota og verður væntanlega notað við bæði hrossa og hundatamningar auk hauststússins.
 


 Heimasmíðaðaði rögunargangurinn var líka að virka og Þessi loka hér að svínvirka. Hinn endinn verður aðeins endurbættur fyrir næsta úthald svo hann verði alfullkominn.
 Þá verður mögulegt að hleypa úr honum í Þrjú hólf.



Ég rifjaði upp gamlar sviftingar og fór í seinni leitina á Rauðamelsfjallið í kulda og trekki.

Mjög fínt.



 Þessi hraundrangur á heiðinni nýttist vel sem skjól, hestasteinn  og ýmislegt fleira í einni pásunni.



 Hér var farið að síga á seinnihluta leitardagsins og allt á réttu róli eftir nokkurn darraðardans í upphafi. Þá kom m.a. upp sú skemmtilega staða Þegar ég og tengdasonurinn sem vorum efstir í vesturfjallinu vorum loksins búnir að ná tökum á níu kindum sem voru hér og Þar í Brúnadalnum innst á leitarsvæðinu, vorum við búnir að víxla hundum í hasarnum . Ég var kominn með Smala og hann með Korku.

Báðir í góðum málum samt.



 Já, nú verður dregið undan smalaklárunum og fjórhjólið tekið til kostanna við upptíninginn sem mun bresta á fyrr en varir ef að líkum lætur.

Og ýmislegt bendir til Þess að hún Korka mín muni fljótlega taka sér frí frá rolluhasar eitthvað fram á veturinn.