Færslur: 2008 Júlí
03.07.2008 12:38
Gönguferðin á Lónsöræfum
Það skal fúslega viðurkennt að eftir því sem nær dró göngu, jukust áhyggjur mínar af þessu uppátæki okkar Sifjar. Ég hafði sterklega á tilfinningunni að gangan yrði mér allt of erfið, ég í lítilli þjálfun og svona lofthrædd. Undirbúningurinn hafði helst verið sá að ganga nokkur skipti á Dalsmynnisfellið, einu sinni með Höllu Sif upp í hlíðar Hafursfells, (henni fannst ég bæði hæggeng og skíthrædd í skriðum) og svo auðvitað var ég að smala af Eyrunum upp í fjall. Ekki bætti úr skák að mér tókst að snúa mig á hné í efltingarleik við rolluskjátur í nýræktinni tveimur dögum fyrir göngu. Ég huggaði mig við að geta þá bara sleppt úr degi og legið inn í skála ef ég gæti ekki meir. Á miðvikudag var brunað suður með viðkomu á Skaganum þar sem var fundur í fulltrúaráði Fjölbrautaskólans. Við Sif hittumst svo aðeins um kvöldið og reyndum að skipuleggja matarinnkaup.
Fimmtudagurinn rann upp, nú varð ekki aftur snúið og foreldrarnir kvöddu mig með sömu orðum og Svanur: "Farðu þér nú ekki að voða". Vottur af vantrausti eða hvað? Byrjað að koma við í Lyfjabúð, plástrar, teygjubindi (hnéð), sólvörn og þess háttar. Síðan í Ríkið, koníakspeli (afar mikilvægt að kvöldi dags að fá sér 1-2 tappa) og svo var stefnan tekin á Bónus á Selfossi. Við vorum ekki mjög fagmannlegar við innkaupin, en markmiðið var að kaupa alls ekki of mikið því við vissum að allan okkar farangur yrðum við að bera niður (og upp) Illakamb og bara nafnið var ógnvænlegt. Samt vildum við alls ekki verða svangar og það er nauðsynlegt að borða vel þegar verið er að ganga. Við vorum sammála um ágæti súkkulaðis og 5 Síríuspakkar fóru niður, einn á dag. Það kom í ljós að 3 hefðu nægt. Nóg af þurrkuðum ávöxtum, bollasúpur og Svissmiss pakkar, harðfiskur, flatkökur og rúgbrauð, kæfa og annað álegg. Súkkulaðirúsínur, hnetur, orkustangir og núðlur. (Okkur finnst reyndar báðum núðlur vondar, en þær eru léttar.) Núðlurnar urðu svo eftir í Múlaskála og annað það af nestinu sem geymist. Það kom svo í ljós að við vorum með allt of mikið af öllu. Síðan varstefnan tekin á Stafafell og ekið sem leið lá. Lentum í þvílíkri úrhellisrigningu í Rangárvallasýslunni að það runnu lækir eftir veginum og rúðuþurrkur höfðu ekki undan. Sem betur fer stytti upp og komið besta veður þegar komið var framhjá Vík í Mýrdal. Við vorum komnar að Stafafelli um áttaleytið, þar áttum við pantað svefnpokapláss. Kvöldið fór í að raða farangri í stóru bakpokana og ákveða hvað ætti að fara í dagpokann. Þarna hittum við líka nokkra væntanlega göngufélaga. Kirkjugarðurinn var skoðaður, afar vel hirtur. Sif lyfti upp krossviðarplötu í einu horninu og þá blasti við nýtekin gröf. Okkur brá aðeins en svo kom í ljós að jarðarför var daginn eftir og því urðum við að færa bílana aðeins frá. Farið var snemma í háttinn til að vera nú klár í slaginn næsta morgun.
Fimmtudagurinn rann upp, nú varð ekki aftur snúið og foreldrarnir kvöddu mig með sömu orðum og Svanur: "Farðu þér nú ekki að voða". Vottur af vantrausti eða hvað? Byrjað að koma við í Lyfjabúð, plástrar, teygjubindi (hnéð), sólvörn og þess háttar. Síðan í Ríkið, koníakspeli (afar mikilvægt að kvöldi dags að fá sér 1-2 tappa) og svo var stefnan tekin á Bónus á Selfossi. Við vorum ekki mjög fagmannlegar við innkaupin, en markmiðið var að kaupa alls ekki of mikið því við vissum að allan okkar farangur yrðum við að bera niður (og upp) Illakamb og bara nafnið var ógnvænlegt. Samt vildum við alls ekki verða svangar og það er nauðsynlegt að borða vel þegar verið er að ganga. Við vorum sammála um ágæti súkkulaðis og 5 Síríuspakkar fóru niður, einn á dag. Það kom í ljós að 3 hefðu nægt. Nóg af þurrkuðum ávöxtum, bollasúpur og Svissmiss pakkar, harðfiskur, flatkökur og rúgbrauð, kæfa og annað álegg. Súkkulaðirúsínur, hnetur, orkustangir og núðlur. (Okkur finnst reyndar báðum núðlur vondar, en þær eru léttar.) Núðlurnar urðu svo eftir í Múlaskála og annað það af nestinu sem geymist. Það kom svo í ljós að við vorum með allt of mikið af öllu. Síðan varstefnan tekin á Stafafell og ekið sem leið lá. Lentum í þvílíkri úrhellisrigningu í Rangárvallasýslunni að það runnu lækir eftir veginum og rúðuþurrkur höfðu ekki undan. Sem betur fer stytti upp og komið besta veður þegar komið var framhjá Vík í Mýrdal. Við vorum komnar að Stafafelli um áttaleytið, þar áttum við pantað svefnpokapláss. Kvöldið fór í að raða farangri í stóru bakpokana og ákveða hvað ætti að fara í dagpokann. Þarna hittum við líka nokkra væntanlega göngufélaga. Kirkjugarðurinn var skoðaður, afar vel hirtur. Sif lyfti upp krossviðarplötu í einu horninu og þá blasti við nýtekin gröf. Okkur brá aðeins en svo kom í ljós að jarðarför var daginn eftir og því urðum við að færa bílana aðeins frá. Farið var snemma í háttinn til að vera nú klár í slaginn næsta morgun.
Skrifað af Halla
02.07.2008 20:38
Allt komið undir kontrol aftur.
Snilld hefur engu gleymt síðan í vetur
Húsmóðirin er heimt af austuröræfunum og fékk þetta fína veður alla dagana. Að vísu varð hún veðurteppt í Vík í Mýrdal á heimleiðinni en það er önnur saga.
Ég sem fylgdist með veðurspám og vorkenndi henni alveg skelfilega í rigningarspánum hefði betur sleppt því.
Við Halla Sif tókum svo daginn í að rífa upp gamlar girðingar og koma þeim í gáminn.
Þetta var svona létt æfing fyrir væntanlegar nýgirðingar en þar eru endalaus verkefni framundan og ljóst að þau klárast ekki þetta sumarið.
Og það var síðan tekin létt hundaæfing en nú þarf að koma sér í þann gír líka ef eitthvað á að verða úr verki í því, þetta sumarið. Einar kom svo í morgunkaffið til að minna mig á hvaða helgar væru fráteknar í hestaferðir.
Þetta sumar verður greinlega alltof stutt í seinni endann.
Skrifað af svanur
01.07.2008 20:28
Hvolpar og veðurfar.
Já , Þarna er Assa mun áhyggjulausari en hún er í dag.
Mér var hætt að lítast á blikuna þegar 9. hvolpurinn kom skrækjandi í heiminn, en sem betur fer urðu þeir ekki fleiri. Þegar Týri mætti á svæðið fannst mér hann dálítið dökkur yfirlitum en hvolparnir eru margir eins og mamman og allir með a.m.k hvítan blett aftan á hálsinum. Liturinn góður á sumum og alltílagi á öllum hinum. Og nú er ég að horfa til ræktunarmarkmiðanna, en ekki á annarra smekk á B.C. litum. Já og sumir eru náttúrulega þrílitir.
Það koma myndir af þeim þegar þeir verða orðnir dálítið " krúttulegri" eins og dóttirin segir.
Það er búin að vera ansi góð hreyfing á súrefnin hér síðustu dagana og nú er að bæta verulega í . Undanfararnir á landsmótið reyndu að bera sig mannalega í dag , en í kvöld voru þau hætt því. Þau voru í vandræðum að hemja tjaldið við fósturjörðina og mér skildist að verið væri að setja bíla og hjólhýsi inná tjaldsvæðið til að brjóta upp vindinn og skýla eitthvað. Vonandi að þeir haldist landfastir. Þetta á samt að ganga hratt yfir og gott veður framundan sérstaklega um helgina.
Nú biður samt allt búandlið hér á vesturslóðum um meiri rigningu en aðeins í nótt, því þurrlendistúnin eru að fara illa bæði slegin og óslegin.
Samt held ég að ekki megi rigna mjög lengi til að það viðhorf breytist.
Skrifað af svanur
