Færslur: 2015 Janúar
23.01.2015 22:39
Krankleiki í heimasíðuhýslinum.
Það varð bilun í tölvukerfinu hjá 123.is samanber neðanskráð. Að henni viðgerðri munu að sjálfsögðu birtast hvert hvert bloggið á fætur öðru sem aldrei fyrr. 
Það
varð alvarleg bilun í einni gagnasamstæðunni okkar (stýrispjald) og því var
ákveðið að færa öll gögn yfir á aðra samstæðu, það tekur því miður mun lengri
tíma en við vildum. Á meðan þá getur verið að hluti af gögnunum sé ekki
aðgengilegur en ekkert hefur tapast. Við vonumst til að afritun verði lokið á
morgun eða í síðasta lagi á föstudaginn. Við biðjumst velvirðingar á óþægindum
sem þetta veldur viðskiptavinum okkar.
Skrifað af svanur
18.01.2015 22:09
" Óhefðbundinn " sunnudagur í sveitinni.
Þetta hefði einhverntímann verið óhefðbundinn dagur í sveitinni.
Hófst að vísu á hefðbundinn hátt með fjósi og fjárhúsi en svo yfirtók hundastúss daginn.
Fyrst var afhent tík sem hafði verið í viku þjálfun.
Farið var rækilega yfir hvað verið var að vinna í og hvernig ætti að standa að framhaldinu.
Eigandinn kvaddi fullur bjartsýni ( vonandi 
), með það veganesti að hann gæti komið í tilsögn ef hlutirnir gengju ekki upp á einhverju stigi málsins.
), með það veganesti að hann gæti komið í tilsögn ef hlutirnir gengju ekki upp á einhverju stigi málsins. Brúnó hélt í norður/vesturátt en samt ekki alveg norðurfyrir hníf og gaffal 
Það voru svo afhentir tveir hvolpar til nýrra eigenda. Þetta voru gamalreyndir uppalendur svo ekki þurfti að fara rækilega yfir hvað mætti og mætti ekki næstu 5 - 6 mánuðina en þá mæta þeir ( þ.e.hvolparnir )í verklegt nám hjá ræktandanum.
Jesús Pétur fór hinsvegar í vesturátt á handvalinn stað. Trúlega kominn með annað nafn nú þegar. 
Gangi námið upp fá eigendurnir reyndar rækilega yfirhalningu í notkun á fídusunum sem verða komnir inn í kollinn á hundunum.
Markmiðið hjá bæði ræktandanum og kaupendunum er að málinu ljúki með því að kaupendurnir verði komnir með góðan fjárhund í hendurnar áður en lýkur.
Ef þessir hvolpar duga ekki til þess, verða þeir teknir til baka og reynt á nýjan leik.
Það var svo tekinn inn átta mán. tík í tamningu. Hún kom langt að og ekki þorandi annað en tékka á hvort hún væri tamningartæk áður en eigandinn færi.
Hún fékk grænt ljós á námsdvöl og svo er bara að sjá hvernig spilast úr henni.
Ef heldur sem horfir gæti svona dögum fjölgað verulega næstu árin.
Máni stökk hæð sína í loft upp þegar hann fékk það staðfest að hér myndi hann dvelja a.m.k. fram yfir skólaútskrift.
En snjósleðinn safnaði ryki þennan daginn. 
Skrifað af svanur
12.01.2015 20:25
Allt að gerast í hækkandi sól.
Nú er norðanáttin orðin allsráðandi á ný og í stað þess að taka góða fárviðrissveiflu og koma þessum lausasnjó( á láglendinu) út á hafsauga, lítur út fyrir skafrenningsjaganda næstu dagana.
Með tilheyrandi snjómokstri og ófærð.
Ég er svona aðeins að koma mér tamningagírinn aftur . Fer samt rólega af stað í þeirri von að hægt verði að vinna utandyra við þetta áður en lýkur.
Hvolparnir dafna sérlega vel og bjartsýnin ríkir ( enn ) um að þeir eigi eftir að verða eitthvað. Nema hvað 
?
? Læknisskoðunin, örmerkingin og pavrósprautan kláruðust í dag og ormalyfstöflurnar verða gefnar 3 næstu daga samkvæmt doksa.
Svo styttist í að þeir sem fara, hleypi heimdraganum. Trúlega um eða uppúr helginni.
Nú er búið að fjarlægja hrútinn úr gemlingunum en hinir fá að standa vaktina áfram.
Þó ótrúlegt sé tókst að ná heyinu fyrir féð ásættanlega þurru svo ekki þarf að hálma taðið enn sem komið er 7-9-13.
Það mætti svo halda að ég sé eitthvað mikilvirkur í hrossunum því nú á ég tvo fola á námsbraut í landbúnaðarháskólanum og tvö önnur verða sett í tamningu í vikunni. Steinhætt að lítast á þetta..
Flugarr Flákason fjær, á fjórða vetur verður tekinn inn í vikunni í mán. tamningu.
Dreyri Sigursson nær ,( á fimmta v.) er mættur í Lbhs ásamt Dökkva bróður sínum Eldjárnssyni, þar sem þeir verða teknir til bæna, eftir bókinni.
Perla Arðsdóttir á fjórða v. sem er síðasta afkvæmið hennar Vonar, fær sinn mánaðarskammt líka. Ég var búinn að bíða lengi eftir hryssu undan Von svo það er eins gott að Perla verði eitthvað.
Já, já, Sleppi því svo að væla frekar yfir veðurfari vetrarins enda snjósleðafæri um fjöllin þegar daginn fer að lengja .
Skrifað af svanurl.
