Færslur: 2013 September
06.09.2013 21:12
Afslættir, óÞurrkar og klikkaðir spádómar.
Rétt eins og verkamaðurinn gengur inn í sig og mildast allur í kröfugerðum sínum í bágu atvinnuástandi, slær bóndinn endalaust af gæðakröfum heyfengsins í slæmu árferði.
Glerharður ásetningur um hvanngræna velverkaða há í ágústbyrjun linaðist eftir Því sem leið á mánuðinn og snerist að lokum í Það að koma hánni í plast og fjarlægja hana af túnunum hvað sem Þurrkstigi og lystugleika liði.
Kröfurnar um a.m.k. góðan Þriggja daga Þurrk voru að sjálfsögðu löngu eyddar af harða diskinum og ákveðið að stökkva á fyrstu Þurru dagana sem gefinn væri ádráttur um hjá veðurguðunum.
Þá átti svo eftir að meta hversu marga ha. væri óhætt að slá hjá eigendum rúlluvélarinnar til að allt kæmist í plast um Það er lyki.
Í svona ástandi hefur svo enginn efni á Því að velta fyrir sér stöðunni sem kæmi upp ef blessaðri rúlluvélinni skyldi nú daprast flugið í lokatörninni.
Í Þessum skrifuðu orðum eru svo síðustu rúllurnar væntanlega að plastast í kvöldhúminu.
Eftir tvo Þurra daga og slakan Þurrkdag, - með túnin alveg rennandi blaut.
Háin úr sér sprottin og illa Þurr kemst væntanlega í stæðu um helgina, fyrir utan Þá sem enn er óslegin hér á vesturbakkanum og bíður næsta stórÞurrks, nú eða daga sem eru talsvert úrkomuminni en aðrir dagar.
Þetta tíðarfar kemur svo væntanlega mörgum bóndanum aftur niður á jörðina, eftir að hafa vanist Því undanfarin sumur að geta skellt sláttugræjunni aftaní Þegar sprettan var hæfileg og slegið og Þurrkað eftir hentugleikum.
Sem betur fer er heyskapurinn fljóttekinn á Þessum síðustu og bestu tímum og Þurrkkaflar óÞurrkasumarsins í júlí dugðu allflestum til að ná góðum heyjum í fyrri slættinum.
Þrátt fyrir vírusinn sem var að ganga í velflestum rúlluvélum héraðssins.
Ég held að rúlluvélagræjurnar séu reyndar að verða helsti flöskuhálsinn í heyskapnum.
Sérstaklega á sumrum Þegar sólin felur sig og himininn lekur .
Og ég sem var búinn að steingleyma Því hvað Það er ömurlegt að vera í heyskap í sept.
Stundum ákveðinn kostur að vera orðinn fljótur að gleyma.
Eftir Þennan harmapistil er svo rétt að upplýsa Það að aðalspámaðurinn minn telur fullvíst að Það séu a.m.k 7 ár í næsta rigningasumar.
Ég kaupi Það að sjálfsögðu, enda hafa spádómar hans staðist hver á fætur öðrum.
Nema Þeir sem hafa klikkað.
Skrifað af svanur
- 1
- 2
