Færslur: 2013 Maí

28.05.2013 21:52

Úr einu í annað, - og endað í símanum.

 Hitamælir heimilisins hefur ekki sinnt hlutverki sínu í nokkrar vikur við góðar undirtekir húsbóndans, sem hefur alveg losnað við að ergja sig á svívirðilega lágum hitatölum vorsins.

 
Hann hefði samt gjarnan mátt virka í dag.

 Já Þessi dagur var í alla staði algjörlega frábær.

Logn, hiti og nefndu Það bara.

Og maður hafði ekki við að taka á móti góðum fréttum.

 Loksins var drifið í að koma áburðinum á túnin sem var orðið nokkuð tímabært , allavega Þeim sem eru ekki  aðnjótandi búfjáráburðar.



 Og bankinn minn hafði samband
og kynnti mér síðustu stökkbreytingu búslánsins og svei mér Þá ef ég fer ekki að hafa áhyggjur af bankanum, ef Þetta tekur ekki enda Því nú eru stökkin alltaf í réttu áttina, norður og niður.

 Í framhaldinu samdi ég um launahækkun fyrir hönd okkar bændanna við drottinn allsherjar á heimilinu sem sér um útborganirnar.

 Svo nú er bæði búið að leiðrétta lán og hækka laun og Það án nokkurra afskipta loforðasigurvegara kosninganna.

 Og ég get fullvissað afganginn af Íslendingum um Það, að tilfinningin verður góð Þegar Þeir verða búnir að upplifa efndirnar hjá snillingunum sem unnu loforðakapphlaupið.
 
 Síðan eiga skattalækkanirnar svo eftir að bætast við og fullkomna hamingjuna.

  Þó lögfræðingurinn sem ég hafði ráðið í verkefni fyrir mig, hringdi og gæfi málið frá sér vegna tímaskorts, benti hún mér á annan sem væri góður í málaflokknum svo ég tók gleði minni Þessvegna.
 á ný  
Það var reyndar svo mikið af allskonar öðrum símtölum sem settu mark sitt daginn að á endanum varð meira að segja síminn minn rafmagnslaus.

Það er fáheyrt, Því Þetta er sími með batterý sem ekki er hlaðið nema í mesta lagi tvisvar í mánuði.

Algjör munaður.

 Ég geri 3 kröfur til símans míns, að hægt sé að hringja úr honum , fá símtöl gegnum hann og batterýið endist sem lengst.

 Það er ekki nóg með að Þessi, uppfylli allar Þessar kröfur heldur eru stafirnir svo stórir á skjánum að ég sé Þá meira að segja hjálpartækjalaust..

Hreinn bónus

 En ég skil nú reyndar ekki hvað síminn minn kemur Þessu bloggi við ?

19.05.2013 05:34

Í bljúgri Þökk við almættið.

Það varð enn lengri Þögn, svo sagði konan í símanum.

 Jaaá, og hvað fær maður svo fyrir Þennan pening ? 
Hvað er hundurinn svo farinn að gera eftir mánaðartamningu ?

Hún var orðin hvöss í málrómnum og ég fylltist bljúgri Þakklætiskennd við almættið yfir að konan væri í hinum endanum á símanum , trúlega í nokkur hunduð km. fjarlægð, en ekki á móti mér við borðstofuborðið.

 Hún hafði hringt og spurt hvort ég gæti selt henni hvolp sem ég gat ekki og reiknaði með að Þar með lyki samtalinu.

 Konan vildi Þá fá að vita hvað ég væri að selja hvolpinn á og fullur áhuga á að halda konunni upplýstri lét ég glepjast út á hála braut símaspjalls um hunda.

 Henni Þótti hvolparnir dýrir , já rándýrir og var ekkert að halda Þeirri skoðun fyrir sig.

 Hokinn af lífsreynslu í svona aðstæðum hvarflaði ekki að mér að verja Þessa verðlagningu, sagði reyndar að Þetta væri gjöf en ekki sala, en hún gæti örugglega orðið sér úti um hvolp sem ræktandinn væri tilbúinn að greiða með uppeldinu á.
Með smá heppni yrði sá kannski síst verri en einn frá mér.

 Þar með var sá umræðugrundvöllur brostinn, en Þá spurði frúin mig  hvort ég tæki hunda í tamningu.
 Þegar ég játti Því umsvifalaust spurði hún hvað mánaðargjaldið væri.

Ég sagði henni Það og rétt Þegar hún var búin að ná andanum eftir Þær upplýsingar, bætti ég við að upphæðin væri án vsk.

 Það var Þá sem upphafsorð Þessa pistils urðu til.

Nú var ég farinn að hafa lúmskt gaman af samtalinu og bætti Því í lipurðina við upplýsingagjöfina.

 Hundarnir sem ég fengi í tamningu væru ákaflega misjafnir.

Vel ræktaður hundur sem hefði fengið rétt uppeldi og smá grunnvinnu,  temdist mjög mikið á mánuði og í bestu tilvikunum væri hann tilbúinn í hörku vinnu hjá eiganda sem kynni að fara með hann.

 Lélegt ræktunareintak sem kannski hefði verið látinn afskiptalaus í uppeldinu, fyrir utan að fá að éta reglulega eða kannski óreglulega , og í versta falli skemmdur í einhverju rugli kæmi allt öðru vísi út. Kannski orðinn svipaður eftir mánuðinn og hinn var í upphafi tamningar.

 Mér fannst algjör óÞarfi að láta Þess getið að ég tæki nú reyndar ekki slíka hunda í tamningu.

Þetta virtist slá hinn skelegga viðmælanda minn aðeins út af laginu og eftir að hafa rætt tamningamálin aðeins betur spurði hún mig umbúðarlaust hvort ég gæti tekið tík fyrir hana í tamningu næsta vetur.

 Nú var komið að mér að koksa aðeins á svarinu, en sagði Þó að líklega væri ég fullbókaður , Það gæti samt margt breyst á löngum tíma.

 Niðurstaða samtalsins sem hafði Þróast úr fyrirspurn um hvolpa, í tamningabókanir var sú að spúsan myndi hafa samband í upphafi næsta árs.

 Og mér sem fannst nú nóg komið, gætti Þess að spyrja hvorki um nafn, búsetu né hvaða tíkarkvikindi væri í boði til námsvistar.

 Enda skal Það að viðurkennast að sé svona mál sett í salt í nokkra mán. er Það undantekningarlítið hrokkið endanlega útbyrðis.

14.05.2013 04:31

Svo sem maðurinn sáir................

 Vorkoman hefur verið á rólegri nótunum og allt er asalaust enn í málaflokknum.

Þó okkur Nesbúum finnist ekki á okkur bætandi í Þeim efnum, Þjáumst við samt með kollekum okkar sem bíða Þess að fá kalin túnin undan snjóalögum, með fjárhús sem eru að yfirfyllast af nýbornu fé.

 Nú sér hinsvegar loksins fyrir endann á byggsáningu hér á bæ.
Það er um hálfum mán. seinna en í fyrra Þegar vorið var akkúrat í hina áttina.


                                                                                                                             Úr myndasafni.

 Það er Því ljóst að nú verða engin met slegin í uppskerumagni eða gæðum Þó enn geti Þetta sloppið fyrir horn, ef í hönd fer árgæska til hausts a.m.k.

 Þetta er annað vorið í byggsögu búsins sem eingöngu er notað sáðbygg úr sveitinni.


 Það fóru um 20 sýni í gegnum spírunarpróf hjá mér Þvi krafan er að spírun sé vel yfir 90 % til að  bygginu sé gefinn kostur á öðru lífi. Þrjú sýnanna hér fyrir ofan, lágu á bilinu 95 - 100 % spírun.

Nú er  allsendis óvíst að sáðbygg náist næsta haust.



 Þetta er græjan sem sér um sáninguna. Tæting, áburður og fræ allt í sömu ferðinni.

Nú var svo prófað plógherfi á hluta akranna í stað plægingar. Það er tvisvar til Þrisvar sinnum afkastameira en plógurnn með samsvarandi olíusparnaði og verður spennandi að sjá hvort uppskerumunur verður á plægðum og herfuðum ökrum í haust.

 Hér var skorinn niður hektarafjöldinn í byggræktuninni á síðustu metrunum. Byggræktun á Það nefnilega sameigilegt með sauðfjárræktinni að menn verða stundum að setjast niður með afar jákvæðu hugarfari og lausir við alla smámunasemi á slæmu árunum, Þegar hagnaðurinn er reiknaður..

Hér er enn klaki í jörð og kuldaleg  langtímaspáin fær mann ekki til að sleppa sér í bjartsýniskasti um bygggróða Þetta árið.

En vona Það besta og reikna " rétt" , Þá  sleppur Þetta samt örugglega taplaust eins og " öll " hin árin. 

Og næsta ár verður svo náttúrulega frábært.


Flettingar í dag: 111
Gestir í dag: 12
Flettingar í gær: 443
Gestir í gær: 31
Samtals flettingar: 398307
Samtals gestir: 36193
Tölur uppfærðar: 19.3.2024 05:46:20
clockhere