Færslur: 2011 Mars
18.03.2011 09:45
Allt á fullu í ótíðinni.
Þegar dagsbirtan fer að verða ráðandi þá líður tíminn hratt og þó tíðarfarið sé ekki til að hrópa húrra er vorið pottþétt, fyrir handan hornið.
Það er mikil stresshelgi framundan en í dag verður brunað í bæinn þar sem hesthúsvígsla er á dagskrá.
Á morgun er fjárhundanámskeið á dagskránni og þar sem bæði kollurinn og ganglimirnir þurfa á öllu sínu að halda eru yfirgnæfandi líkur á því að ég verði hafður undir stýri í dag.
En ástandið á efri hæðinni og fráleiki fótanna eru orðin með þeim hætti að ekki er hættandi á neitt sem gæti dregið úr afköstum bóndans á þessum sviðum.
Öðruvísi mér áður brá.
Þar sem það verður mikil hópreið frá eldra hesthúsi í það nýja og milli hesthúsahverfa að fara verður gæðingaflotinn tekinn með úr sveitinni. Ekki dugar minna en þessi græja hér að ofan í ferðina, en hér er hún stödd við Laufskálarétt.
En allt um þetta eftir helgina.
Það er mikil stresshelgi framundan en í dag verður brunað í bæinn þar sem hesthúsvígsla er á dagskrá.
Á morgun er fjárhundanámskeið á dagskránni og þar sem bæði kollurinn og ganglimirnir þurfa á öllu sínu að halda eru yfirgnæfandi líkur á því að ég verði hafður undir stýri í dag.
En ástandið á efri hæðinni og fráleiki fótanna eru orðin með þeim hætti að ekki er hættandi á neitt sem gæti dregið úr afköstum bóndans á þessum sviðum.
Öðruvísi mér áður brá.
Þar sem það verður mikil hópreið frá eldra hesthúsi í það nýja og milli hesthúsahverfa að fara verður gæðingaflotinn tekinn með úr sveitinni. Ekki dugar minna en þessi græja hér að ofan í ferðina, en hér er hún stödd við Laufskálarétt.
En allt um þetta eftir helgina.
Skrifað af svanur
15.03.2011 22:42
Áríðandi tilkynning. Er okkur sama??
Miðvikudaginn 16. mars munu SamFram skólarnir; Kvennó, MH, MR, MS og Versló, standa fyrir góðgerðatónleikum til styrktar Mæðrastyrksnefnd Reykjavíkur. Tónleikarnir verða haldnir í Hafnarhúsinu undir yfirskriftinni "Okkur er ekki sama!" Þar koma fram margir af flottustu tónlistarmönnum landsins og má meðal annars nefna Agent Fresco, Friðrik Dór og svo mæta Stebbi og Eyfi og taka Nínu.
Miðaverð við hurð verða 1500 kr. en fyrir þá sem ekki komast að en vilja þó styrkja gott ...málefni þá viljum við benda þeim á að Valdi&Freyr standa að baki tveimur símanúmerum, sem hægt er að hringja í og styrkja þar af leiðandi Mæðrastyrksnefnd.
500 kr.: 907-1050
1.000 kr.: 907-1010
Símanúmerin verða opin til miðvikudagsins 22.mars
Frá árinu 1928 hefur Mæðrastyrksnefnd verið til staðar fyrir fólk sem þarf á hjálp að halda. Upprunalega styrktu samtökin ekkjur látinna sjómanna en það hefur breyst. Nú geta einstæðir foreldrar, eldri borgarar og fjölskyldur leitað til þeirra.
Í hverri viku getur fólk komið í matarúthlutun á þeirra vegum. Aðsóknin hefur aukist gríðarlega á síðustu árum en þegar mest var sóttust um 700 heimili eftir hjálp. Þetta vandamál snertir okkur öll og vilja því SamFram skólarnir leggja sitt af mörkum með því að styrkja þetta málefni. Fáránlegt er að hugsa til þess að um 400 fjölskyldur í hverri einustu viku sækja mataraðstoð til þeirra. Okkur er ekki sama!
http://www.youtube.com/watch?v=EnzZFfUzaYc&feature=channel
Í hverri viku getur fólk komið í matarúthlutun á þeirra vegum. Aðsóknin hefur aukist gríðarlega á síðustu árum en þegar mest var sóttust um 700 heimili eftir hjálp. Þetta vandamál snertir okkur öll og vilja því SamFram skólarnir leggja sitt af mörkum með því að styrkja þetta málefni. Fáránlegt er að hugsa til þess að um 400 fjölskyldur í hverri einustu viku sækja mataraðstoð til þeirra. Okkur er ekki sama!
http://www.youtube.com/watch?v=EnzZFfUzaYc&feature=channel
Skrifað af svanur
14.03.2011 22:33
Hvolparnir. Æðislegir. Út í fyrsta sinn.
5 -6 vikna eru hvolpar yfirhöfuð ómótstæðilegir.
Öllum ræktendum finnst akkúrat þá. að þarna sé hið fullkomna got á ferðinni.
Jafnvel þó ræktandinn geri sér obbolitla grein fyrir því, að kannski vanti eitthvað pínulítið á fullkomleika foreldranna, trúir hann að það hafi hrokkið fyrir borð í meðgöngunni.
Já hér er semsagt hið fullkomna got á ferðinni og góður dagur þegar órabelgirnir komu í fyrsta sinn undir bert loft.
Heimasætan var á ferð í sveitinni og þótti þetta ekki mjög leiðinlegt.
Þeir komust strax í snjó og héldu auðvitað að svona ætti heimurinn að líta út.
Þó búið sé að ráðstafa hópnum er þetta sú eina sem liggur fyrir hvert fer.
Ræktandinn fullur bjartsýni um gæði framleiðslunnar. 7 tíkur, 4 loðnar , 4 þrílitar og ein með annað augað blátt.
Þessi fyrir ofan er með hægra augað blátt en verður snögghærð, dúllan fyrir neðan er kannski með svona dökkblá augu af málið er skoðað með jákvæðu hugarfari en verður fallega loðin..
Fyrir væntanlega hvolpaeigendur er þessi reyndar frátekin líka.
Nú eru framundan miklir rannsóknarleiðangrar hjá systrunum því þær fá að leika lausum hala útivið þegar vel viðrar, fram að því að þær sem fara, hleypa heimdraganum.
Nýjar myndir síðast í ÞESSU albúmi.
Öllum ræktendum finnst akkúrat þá. að þarna sé hið fullkomna got á ferðinni.
Jafnvel þó ræktandinn geri sér obbolitla grein fyrir því, að kannski vanti eitthvað pínulítið á fullkomleika foreldranna, trúir hann að það hafi hrokkið fyrir borð í meðgöngunni.
Já hér er semsagt hið fullkomna got á ferðinni og góður dagur þegar órabelgirnir komu í fyrsta sinn undir bert loft.
Heimasætan var á ferð í sveitinni og þótti þetta ekki mjög leiðinlegt.
Þeir komust strax í snjó og héldu auðvitað að svona ætti heimurinn að líta út.
Þó búið sé að ráðstafa hópnum er þetta sú eina sem liggur fyrir hvert fer.
Ræktandinn fullur bjartsýni um gæði framleiðslunnar. 7 tíkur, 4 loðnar , 4 þrílitar og ein með annað augað blátt.
Þessi fyrir ofan er með hægra augað blátt en verður snögghærð, dúllan fyrir neðan er kannski með svona dökkblá augu af málið er skoðað með jákvæðu hugarfari en verður fallega loðin..
Fyrir væntanlega hvolpaeigendur er þessi reyndar frátekin líka.
Nú eru framundan miklir rannsóknarleiðangrar hjá systrunum því þær fá að leika lausum hala útivið þegar vel viðrar, fram að því að þær sem fara, hleypa heimdraganum.
Nýjar myndir síðast í ÞESSU albúmi.
Skrifað af svanur
