04.05.2013 09:24

Afspyrnudöpur fjárveiting og fæðingardeildin.

Þegar ákveðið var að fjárfesta í almennilegri aðstöðu fyrir féð var markið sett á að taka Það alla leið með eins mikilli vinnuhagræðingu og Þægilegheitum og hægt væri innan Þröngra kostnaðarmarka.

Gamla fjóshlaðan sem hefur hýst 75 kindur undanfarin ár átti m.a.að nýtast í sauðburðinn.

Þetta rými sem er um 9 X 12 m. átti að reyna að nýta sem best með vinnuhagræðingu og fjölda í huga.

Það var lagt upp með að koma upp 20 einstaklingsstíum og a.m.k. tveim rúmgóðum hópstíum með góðu lambavari. Þar til viðbótar eru fyrir tvær 9.m. krær í hinum enda hlöðunnar

Og útlagður kostnaður mátti vera max, 20 - 25.000 kr

Sem betur fer leynast vinir litla mannsins víða, og Þessi brettabunki ásamt ýmsu timburdrasli sem enn var nothæft eftir brambolt síðasta árs dugði í innréttingarnar.

Þetta efni nýttist vel í milligrindurnar, allar stoðir og ýmislegt föndur.

Allt var Þetta hugsað Þannig að fljótlegt og auðvelt yrði að taka allt niður og fyrirferðin yrði í lágmarki í geymslunni.
Milligrindurnar eru í staðlaðri stærð. Þær eru festar með 3 skrúfum og hleðsluborvélin verður eina tólið sem Þarf við niðurrifið og uppsetninguna.

Eina sem ekki var fjarlægt fyrir aðgerðina var jatan með veggnum til hægri.Þegar milligrindurnar í Þeirri röð verða losaðar er grindin t.h. í ganginum ein eining.
Ekki var lagt í sjálfbrynningu í stíunum af tæknilegum örðugleikum vegna væntanlegs niðurrifs, heldur komið upp vatnsíláti á hverjar tvær stíur. Það er haft við ganginn til að auðvelda áfyllingu og losna við heymengun.

Reynslan af Því er sú að umtalsverð hætta er á að tæknilegu vandamálin verði ekki leyst frekar.

Jatan er í tveim einingum á lengdina. Breidd og lengd eininganna ákvarðaðist af stærð krossviðarplötunnar. Jötubotninn 62 cm. eða 1/2 plötubr. og lengdin á jötunni samtals 9.76 m. eða 4 x 1/2 plata.
Jötubotninn er á grind úr fjölum 1x6 . Stoðirnar skrúfast síðan í jötuna og er gert ráð fyrir að Þær verði losaðar frá við niðurrifið.

Það setti verkinu ákveðnar skorður að Þurfa að rífa allt niður að sauðburði loknum. Sérstaklega vegna brynningar og aðgengis/dyrum að stíunum. Stíuhæðin var Því í lágmarki til að auðvelda umganginn.

Stoðirnar skrúfaðr frá og jötubotninn stendur eftir.

Hérna megin verða svo tvær hópstíur með góðu lambavari sem auðvelt verður að fylgjast með.

Það er rúmlega meters hæðarmunur milli fjárhúss og gömlu hlöðunnar.
Það var talverður léttir að komast að Því að ærnar elta lömbin umyrðalaust upp rampinn enda aldar upp við allskonar gangarag.

Kolla hin ánægðasta með Þrílembingana sína. Ekki er ólíklegt að einn Þeirra verði hrútsefni í gemlingahópinn næsta vetur.

Kostnaðaráætlunin stóðst svo prýðilega. Aðeins voru keyptar 3 krossviðarplötur og síðan skrúfur og naglar.

Já, Það er svo áætlaðir innan við tveir tímar fyrir tvo, að taka Þetta niður og koma fyrir í sauðburðarlok.

Nú er svo bara að láta sig hlakka til Þess.

Skrifað af svanur

Tengill á færslu

Bæta við áliti

Sýna álit

28.04.2013 21:30

Og Þar kom að villtustu draumarnir rættust!!

Fyrir margt löngu meðan ég var eins og útspýtt hundskinn að elta annarra manna vandræðarollur fram á harða vetur, átti ég mér draum sem endurfæddist á hverju hausti.

Þegar ég komst með vandræðagripina að kerrunni og ætlaði að reka Þær um borð, oftast einhversstaðar úti á víðavangi gekk á ýmsu.

Þá sá ég fyrir mér liprar grindur sem gott væri að hengja utaná kerruna og handhægt og fljótlegt að raða upp til að létta lúnum manni og hundum lífið.

Ég hafði marghannað grindurnar í huganum, svo oft að Þær hefðu ekki getað orðið betri,- hefði einhverntímann komist í verk að smíða Þær.

Á dögunum Þegar ég kíkti við hjá Jötunn Vélum á leið minni um suðurlandið rakst ég á grindur sem uppfylltu mína villtustu drauma í Þessum efnum.

Þessar gerðisgrindur eru ekki nema 11 kg stykkið. 1.20 á hæð og hægt að fá Þær í 1.5 - 2 m. lengd. Það fer ekki mikið fyrir Þessum á myndinni en væri bara nokkurra mínútna verk að koma upp 14 m. gerði með Þeim.

Þær eru húkkaðar saman á einkar handhægan hátt og stignar niður í jörðina sé einhver jarðvegur fyrir hendi.

Þær henta svo prýðilega í taðhús ef Þarf að skipta Þeim eitthvað eða útbúa ganga, og eftir að hvolparnir mínir komust ekki í gegnum Þær Þrátt fyrir ítrekaðar tilraunir held ég Því fram að Þær séu fullkomlega lambheldar.

Og nokkuð ljóst að Þær eru algjörlega ómissandi hjálpartæki við hundatamningar sumarsins.

Skrifað af svanur

Tengill á færslu

Bæta við áliti

Sýna álit

27.04.2013 08:37

Kemur Það, eða kemur Það ekki ????

Góðir hlutir gerast hægt eru gömul sannindi sem ég er að vísu ekki alltaf sammála.

Það er svo spurning hvort menn eigi Þá að vera kátir með hvað vorkoman er róleg Þetta árið.

Ég er búinn að vera á fullu að gera sauðburðaraðstöðuna klára og sér loksins fyrir endann á Því.

Það var síðan byrjað á fullu í skítadreifingunni í gær og dreift um 250 tonnum af eðal mykju.

Tveir dagar eftir í Því a.m.k. en sum túnanna eru ekki dreifingarhæf enn.

Enn er klaki í jörðu og akuryrkjan í biðstöðu. Tíminn er samt farinn að tikka illilega á sáningu og plógurinn bíður óÞreyjufullur eftir Því að fá að njóta sín.

Maður getur Þó alltaf sest við tölvuna og skoðað myndir ef vorið gleymir að koma við Þetta árið.

Skrifað af svanur

04.05.2013 09:24

Afspyrnudöpur fjárveiting og fæðingardeildin.

28.04.2013 21:30

Og Þar kom að villtustu draumarnir rættust!!

27.04.2013 08:37

Kemur Það, eða kemur Það ekki ????

Vafraðu um

Tenglar