21.07.2013 09:57

Bændareiðin mikla.

Það skiptir engu hvernig veðurfræðingarnir láta í spánum, alltaf er gott veður í bændareiðinni.

Nú var reiðin í boði nokkurra í austurhluta sveitarinnar. Það var riðið frá Hótel Eldborg að Ytri Rauðamel.

Þaðan var gamla lestargatan tekin að Þverárrétt Þar sem áð var góða stund enda veitingar í boði reiðhaldara. Síðan var götunni haldið að Dalsmynni og Söðulsholti svona eins og hægt var með breyttri landnýtingu.

Þrír fararstjóranna bera saman bækur sína á Ytri Rauðamel.

Það voru um hundrað manns í hnakk og hér teygist vel úr hópnum vestur Dalsmynnishlíðina.

Svo var tekinn smá útúrkrókur niður með Núpánni

Næsta stóra stoppið var í Hrútsholti og enn voru veitingar í boði.

Þar var Brokkkórinn mættur og tók lagið af mikilli snilld. Kórfélagar bættu svo um betur eftir matinn um kvöldið.

Nú var haldið að Rauðkollstöðum Þar sem var stutt járningarstopp Þó tímasetningarnar væru nú eitthvað að gefa sig.

Þaðan var riðið niður að Núpárósum en Þar sem var háflóð leiddi bóndinn okkur svona fjallabaksleið að Núpánni.

Þá var orðið stutt í Hótelið Þar sem kvöldverðarslúttið beið okkar með ríkulegum veitingum.

Ekki slæmur dagur Þetta.

Skrifað af svanur

Tengill á færslu

Bæta við áliti

Sýna álit

13.07.2013 22:45

Skipulagskaos og hundadagar í orðsins fyllstu merkingu.

Einhvernveginn hef ég skrönglast áfram gegnum lífið í fullkomnu skipulagsleysi.

Svona fyrir utan Þann ramma sem sem ég hef valið mér, nú eða lent í á leið minni gegnum tilveruna .
Hann hefur séð til Þess að ég yrði að gera ákveðna hluti á ákveðnum tíma ef ég vildi komast af.

Ja, - svona eins og að sleppa hrútunum í ærnar á tilsettum tíma o.sv.frv.

Mamma sagði nú alltaf að ég væri skorpumaður.

Hún átti væntanlega við Það, að Þegar búið var að safna upp verkefnum í hæfilegan eða óhæfilegan tíma, var rokið í að klára málið með miklum krafti áður en næsta uppsöfnun hófst.

Nú er sumarið eiginlega alveg að verða búið, Þó Það sé reyndar ekki komið almennilega enn.

Og betri helmingurinn sem er náttúrulega fram úr hófi skipulagður kominn í 5 daga gönguferð á Hornströndum.

Ég sit hinsvegar og er að skipuleggja restina af Þessu sumri sem kemur kannski aldrei?

Vandamálið er, að Þó Það brysti á í fyrramáli og héldist, ja allavega framá haustið yrði Það alltof stutt fyrir allt sem ég ætla að gera.

Nú eru hundadagarnir byrjaðir í orðsins fyllstu merkingu fyrir mig.
Ég ætla ekkert að eyða dýrmætu netplássi í að fara yfir eitthvað af Þeim sannindum sem fylgja hundadögunum, enda illa gert að sannfæra stressaða bændur sem eiga mismikið óslegið með Því, að líklega rigni a.m.k. til 29 ág.

Ég reyni hinsvegar að sannfæra Þá sem ég Þekki og eru að fara á heimsmeistarmót hestamanna 1 -10 ág. að Það sé borðleggjandi Þurrkur um verslunarmannahelgina og næstu daga á eftir.
Þessi mynd hér að ofan er glæný og sýnir veðrið næstu vikurnar ásamt hundaflotanum í Dalsmynni.

Rétt er að taka fram að ég á ekki nema 3 Þeirra, tvo fullorðna og hvolpinn .

Hinir eru ýmist í skammtíma eða langtímavistun.

Gott dæmi um skipulagshæfileikana er að í stað Þess að dúlla við að fulltemja hundana mína eins og sumarskipulagið hljóðaði uppá, verð ég á fullu að vinna í annarra manna hundum.
Skipulagning Þeirrar vinnu klárast í kvöld.
Smásumarfrí með hreindýraívafi fer líka inná skipulagið.
Girðingarvinna, réttaraðstaða við fjárhús. hundagerðið og ýmislegt sem ekki er rétt að nefna, fer hinsvegar inná skorpuvinnukerfið, - til að byrja með.

En ég fór Þó langt með að spúla fjárhúsin í dag.

Já, segið Þið svo að ég geri aldrei neitt.

Skrifað af svanur

Tengill á færslu

Bæta við áliti

Sýna álit

09.07.2013 21:25

Áfangar, tarnir og " gróðraskúrir".

Það gekk á ýmsu í Þessari stærstu heyskapartörn sumarsins.

Nú voru breyttir tímar í tíðarfari frá liðnum sumrum og sérstaklega á endasprettinum var treyst á að veðurfræðingarnir myndi nú klikka í tveggja daga spánum.

Sem Þeir og gerðu.

Hér er reynt að ná lágmarksÞurrkun á allt hey og extra fyrir sauðféð.

Þessum eðalgræjum var lagt til að byrja með vegna ótraust veðurfars og knosaravélin notuð til að stytta Þurrktímann.

Reyndar var svo allt tekið til kostanna Þegar sást fyrir endann á Þurrkinum og sem betur fer gekk lottóið upp og nú er einungis óslegið af fyrri slætti, Það sem á að spretta hæfilega úr sér fyrir hross og fé.

Einhverra hluta vegna fór frágangurinn á rúlluplastinu ekki eins rosalega í taugarnar á mér og oft áður, en Þetta er held ég í fyrsta sinn sem ég var í regngalla við verkið.

Alls óvanur slíkum vinnufatnaði nema í haustleitum.

Hér er aðstoðargengið fullskipað og guttinn farinn að telja árin Þar til hann yfirtekur Þetta " spennandi " starf af honum afa gamla, ásamt ýmsu fleiru í dótaflokknum.

Eðaldýrin Þrjú á pallinum láta sér hinsvegar fátt um finnast og Korka lítur rannsakandi yfir nærliggjand akra.

Kannski leyndist Þar skemmtilegt viðfangsefni af austurbakkanum?

Þessi eðalgræja hér reyndi hinsvegar duglega á Þolrifin Þessa daga og Þegar hún stoppaði í fjórða sinn, síðasta daginn var gott að geta gengið að vinum okkar á austurbakkanum til að koma síðustu 60 rúllunum í plast.
.
Þó heyskapinn taki fljótt af miðað við fyrri tíma er Þetta alltaf sami spretturinn og puðið.

Bara færri sólarhringar.

Og alltaf jafn skemmtilegt.

Skrifað af svanur

21.07.2013 09:57

Bændareiðin mikla.

13.07.2013 22:45

Skipulagskaos og hundadagar í orðsins fyllstu merkingu.

09.07.2013 21:25

Áfangar, tarnir og " gróðraskúrir".

Vafraðu um

Tenglar