Það var mikið fjör á litlu jólunum sem haldin voru á föstudaginn  og ekki skemmdi fyrir að  jólafríið var  framundan.



 Afastelpan hún Kolbrún Katla með honum Gísla vini sínum á Minni Borg en þau eru í leikskólanum.



 Hér eru þau Þórður í Laugargerði, Selma á Kaldárbakka, Tumi í Mýrdal og Helga á Lágafelli að taka við spilum, sem átti minna á hversu mikils virði það væri fyrir fjölskylduna að eiga fjölskylduvænar samverustundir.


 Frá v. Jenni Jörfa (með lopahúfuna) Ársæll Ystu-Görðum, Áslaug kennari Lágafelli, Helga Lágafelli, Guðný Eiðhúsum,  Kristín Björk skólastjóri. Neðri röð Inga Dóra Minni-Borg, Steinunn Miðhrauni, Ayush Miðhrauni, Þórður Laugargerði.

 Hér er svo kórinn að gera sig kláran í að þenja raddböndin.



 Aron í Dalsmynni mættur á fyrsta jólaballið sitt og mamma syngur með jólasveinunum.



 Og það er dansað í kringum jólatréð af mikilli innlifun.



Tomaz Lynghaga,  Ilmur, gestur hjá afa og ömmu Laugargerði,  Steinunn Miðhrauni, Inga Dóra Minni-borg, Hafdís Lóa Minni-borg, öll mjög áhugasöm að kanna jólasveinanammið sitt.



 Svo er það spurning hvort jólasveinarnir eru að biðja til guðs eða klappa saman lófunum.

Já, bráðum koma blessuð jólin, eða þannig.

 Nú hefur orðið alveg umpólun í tíðarfarinu eftir langvarandi norðanbræluna.

 Þó birti varla allan daginn eru hlýindin kærkomin uppbót á haustið og frostið sem komið var í jörð þiðnaði á ný .

 Dótið var því tekið fram  og lokið við að tæta akrana sem ljúka átti við í haust.
Í sögu byggræktarinnar hér, hafa akrarnir aldrei farið jafn klárir undir vetur og nú.

Það er alltaf verið að láta sig dreyma um það að ná þroskuðu sáðbyggi fyrir haustfrostin.

 Pöttingerinn er besti tætari sem komið hefur aftan í vél hjá mér. allir hnífar heilir eftir mikla og misjafna notkun en orðnir nokkuð snjáðir og haf minnkað á þverveginn.
 
 Hér er verið að tæta nýbrotið land þar sem ýtt var út ruðningum í haust. Þegar verið er að rembast við að sá snemma, situr oft frost í ójöfnum sem ergja mann. 



 Trúlega er sáningarmeistarinn ekkert farinn að láta sig dreyma um sáningatörnina sem bíður hans í vor, ásamt uppstressuðum sítuðandi bændum.



 Það er samt alltaf jafn skemmtilegt að spá í þroskann og uppskerumagnið þegar þar að kemur.

Þangað til allt fýkur.

 Já, nú styttist í að daginn taki að lengja á ný.